Rusiyanın dondurulmuş aktivləri Ukraynaya verilə bilər

Avropa İttifaqının Rusiya Bankının dondurulmuş aktivlərindən təxminən 33,8 milyard avronu müvəqqəti istifadə etmək və həmin məbləğin  Ukraynaya köçürülməsi üçün qanuni əsasları var.

News24.az xəbər verir ki, bu barədə Aİ-nin hüquq xidməti bloka üzv ölkələrin nümayəndələrini məlumatlandırıb.

Aktivlərin özgəninkiləşdirilməməsi və müəyyən şərtlərin yerinə yetiriləcəyi təqdirdə bu planın qanuni şəkildə həyata keçirilə biləcəyini vurğulanıb.

Şərtlər arasında xitam tarixi, likvid aktivlərə vurğu, əsas borcun və faizin göstərilən vaxtda Rusiyaya qaytarılacağı var.

Bir sıra Aİ ölkələri bu addımın hüquqi əsaslandırılmasından narahatdır. Qeyd edilib ki, Rusiya banklarının aktivlərinə həbs qoyulması və onların Ukraynaya yönləndirilməsi üçün aydın hüquqi əsaslar yoxdur. /Bloomberg/

Teymur MƏMMƏDOV