İngiltərədə qan qalmaqalı

İngiltərəni silkələyən yoluxmuş qan qalmaqalı ilə bağlı ictimai araşdırmanın hesabatı bu gün dərc olunacaq.

News24.az xəbər verir ki, 1970-1980-ci illərdə Böyük Britaniyada təxminən 30.000 insan HİV və ya Hepatit C keçmiş qanla müalicə olunub. Bu xəstələrdən təxminən 3 mini ölüb.

Hesabat iyirmi ildən artıq müddətdə 30.000-dən çox hemofiliyalı və ya qanköçürməyə ehtiyacı olan insanların HİV, hepatit C-yə necə yoluxduğuna baxır.

Qeyd edək ki, qalmaqal Böyük Britaniya Səhiyyə Departamentinin tarixində ən pis müalicə fəlakəti kimi təsvir edilib.

1970-1990-cı illər arasında müalicə olunan insanlar "VIII faktor" qan məhsulları verildikdə çirklənmiş qana məruz qalıblar.

Donor qanı 1986-cı ilə qədər HİV-ə qarşı, 1991-ci ilə qədər hepatit C üçün yoxlanılmayıb.

Günel Məlikzadə